))
«Quai è in medium ch'entra en mintga stiva»
Manage episode 438786820 series 3017674
Indhold leveret af Radiotelevisiun Svizra Rumantscha (RTR). Alt podcastindhold inklusive episoder, grafik og podcastbeskrivelser uploades og leveres direkte af Radiotelevisiun Svizra Rumantscha (RTR) eller deres podcastplatformspartner. Hvis du mener, at nogen bruger dit ophavsretligt beskyttede værk uden din tilladelse, kan du følge processen beskrevet her https://da.player.fm/legal.
100 onns èn passads, dapi ch'ins ha udì per l'emprima giada rumantsch al radio – la «Marella» dat in sguard sin las entschattas da quest med da massa. «La staziun de radio a Turitg dat oz ina sera taliana e romontscha» annunzia la Gasetta Romontscha dals 11 da settember 1924 – probablamain è quai stada l'emprima giada ch'ins ha udì la lingua rumantscha al radio. En il Fögl d'Engiadina dal settember 1924 pudain nus leger: «Radio ais la parola del momaint. [...] Tuot la pressa svizzra discurrit da quaist enorm e grandius progress modern [...] chi po servir il pajais inter e chi pera già hoz dad esser il centro dad innumerabels apparats collios cun ella, da maniera ch'ella fuorma scu üna granda buocha chi clama tres l'intera Confederaziun.» Per celebrar questa sensaziun «ch'entra en mintga stiva», dat la «Marella» in sguard sin il cumenzament dal far radio per rumantsch; la dependenza tecnica dals studios da Turitg, l'elan che quest med da massa ha survegnì durant ils onns 1930 e 40, la muntada dal radio per l'encletga interidiomatica e las cundiziuns da lavur dals emprims redacturs rumantschs (tenor Tista Murk: «Fich, fich miserablas!»). Quest'emissiun lantscha dal reminent in focus tematic che dura dals 8 enfin ils 14 da settember.
…
continue reading
52 episoder
Del
