))
Krag van Bowe
Manage episode 459031496 series 3072738
Indhold leveret af Jokkie Gauché on behalf of Berni Dymet. Alt podcastindhold inklusive episoder, grafik og podcastbeskrivelser uploades og leveres direkte af Jokkie Gauché on behalf of Berni Dymet eller deres podcastplatformspartner. Hvis du mener, at nogen bruger dit ophavsretligt beskyttede værk uden din tilladelse, kan du følge processen beskrevet her https://da.player.fm/legal.
Jesaja 40:28-31 Het jy nog nooit gehoor of verstaan nie? Weet jy nie dat die Here van altyd af God is nie? Hy is die Skepper van die hele aarde. Hy word nie moeg of gedaan nie en niemand kan die dieptes van sy insig meet nie. Hy gee krag aan dié wat moeg is. Hy maak die kragteloses sterk. Selfs jongmense raak uitgeput en afgemat. Baie jongmense struikel en val. Maar dié wat hulle hoop op die Here stel, sal nuwe krag kry. Hulle vlieg hoog, soos arende. Hulle sal hardloop en nie moeg word nie. Hulle sal loop en nooit vermoeid word nie.
Hulle sê: mag is geneig om tot korrupsie te lei; absolute mag lei tot absolute korrupsie. Jy hoef nie baie ver te kyk om te sien hoe waar dit is nie. En dan kyk jy na die toestand waarin die wêreld verkeer en jy sien die absolute verderf!
Dit gebeur ongelukkig selfs in kerke. Geen wonder dat so baie mense deur mense se godsdienstigheid en ‘vroomheid’ belangstelling in ‘kerk’ verloor het nie. Geen wonder dat so baie mense God nie wil vertrou nie. Wie kan hulle blameer as jy die boosheid sien wat deur die eeue, en selfs vandag nog, in die naam van godsdiens gepleeg word?
Maar kom ons kyk verder as al hierdie derduisende wandade, en ons sien dat daar 'n God is, wat uit pure liefde, sy grenslose krag aan gewone mense soos ek en jy wil bewys. Hier praat Hy met sy mense wat al amper sewentig jaar lank verskriklik gely het:
Jesaja 40:28-31 Het jy nog nooit gehoor of verstaan nie? Weet jy nie dat die Here van altyd af God is nie? Hy is die Skepper van die hele aarde. Hy word nie moeg of gedaan nie en niemand kan die dieptes van sy insig meet nie. Hy gee krag aan dié wat moeg is. Hy maak die kragteloses sterk. Selfs jongmense raak uitgeput en afgemat. Baie jongmense struikel en val. Maar dié wat hulle hoop op die Here stel, sal nuwe krag kry. Hulle vlieg hoog, soos arende. Hulle sal hardloop en nie moeg word nie. Hulle sal loop en nooit vermoeid word nie.
My vriend, met my hele hart glo ek dat jy vandag behoefte aan hierdie woorde het. Wag op God wanneer jy flou en magteloos voel. Vertrou op God. Hoop op God. En Hy sal jou krag vernuwe, Hy sal jou, deur sy krag ophef. Absoluut!
Dis Sy Woord. Vars … vir jou … vandag.
1431 episoder
Del
